إزاي أظبط اللغة الألمانية بتاعتي في أسرع وقت ممكن؟ improve Your German

لكل الناس اللي بتسأل: إزاي أظبط اللغة الألمانية بتاعتي في أسرع وقت ممكن؟ 🤔 اقرأ واوعدك مش هتندم ❤️👇

إزاي أظبط اللغة الألمانية بتاعتي في أسرع وقت ممكن؟
How can I improve my German

هقولك إزاي 🤩

أول حاجة، في اللغة الألمانية عندنا أربع مهارات مهمة:

1. الاستماع (Hören).
2. التحدث (Sprechen).
3. القراءة (Lesen).
4. الكتابة (Schreiben).

خليني أديك مثال يوضحلك الكلام. الطفل الصغير لما يتولد، بيقعد سنة ما يتكلمش اللغة صح؟ هو مش قاصد، لكن خلال الفترة دي، هو بيستمع (Hören) وبيكون حصيلة كلمات بتبدأ تظهر كحروف وبعدين كلمات وبعدين جمل. كده يبدأ يتكلم (Sprechen). وبعد كده، ندخله الحضانة أو مرحلة ، فيتعلم الحروف والأرقام شفاهياً ويبدأ يقرأها ويرددها. دي مرحلة (Lesen).

وبعد شوية، يتعلم يمسك القلم ويكتب (Schreiben). حلو؟ بالتأكيد! 😁 هو بيبدأ يشتغل وحده ويعرف يسمع ويتكلم ويقرأ ويكتب.

نرجع لموضوعنا 🌻🌻🌻🌻🌻

[1] أول حاجة هتبدأ بيها هي "Hören" لأنها أهم عمود في الأربعة. أي لغة عايز تتعلمها، اسمعها كثير. بجد! هتسمع إيه؟ 🤔

اسمع أغاني (gute Lieder)، اتفرج على أفلام (gute Filme)، اتفرج على مسلسلات (gute Serien)، واقرأ قصص (gute Geschichten). كل دي هتلاقيها على قنوات يوتيوب لتعلم اللغة الالمانية  فيها مقاطع أفلام قصيرة بتتعاد 5 مرات. والتكرار يعلم الشطار! 😂

المهم هتلاقي فيها قصص مكتوبة بـــاللغة الالمانية وبتتقري لك يعني بتسمع وتقرا الاسكربت المكتوب قدامك ف نفس الوقت ولو لقيت كلمة غريبة او جديدة عليك اكتبها ف النوت بتاعتك خلي معاك نوت خاصه بالتعليم مش غالية اوي مسترخصش ف نفسك وهاتها شكلها حلو عشان تفتح نفسك خليك فاكر عشان هنرجع للنقطة دي كتير ها 😁ع فكرة دي طريقه اسمها audiobook واتعمل منها application كمان👌

وكل ما تسمع كرر كل ما تسمع كرر وحاول تكرر بنفس الطريقة اللي نطقو بيها عشان تجيب النطق الصح للكلمة لكي اتعلم نضيفة  😂 بس دا كل اللي هتعملة وياسلام بقي لو استخدمته مع صحابك او اهلك او اي حد تعرفه هتلاقيها ثبتت ف دماغك ع طول لان كلنا عارفين قاعدة اي حاجة عايز تتعلمها" مارسها" 👌

🌸🌸🌸🌸🌸

[2] ثاني أهم حاجة هي "Sprechen".

يعني كل ما تتعلم حاجة، مارسها. حاول وأنت بتردد، تردد بنفس نبرة الصوت. لو حد حزين، خليك حزين، لو حد فرحان، فرح معاه.
 لو معندكش صحاب، 😔 يبقي مع نفسك بقي باستخدام المراياا 👻ا😂

بس كده ؟ اه بس كده امال انت فاكر اي 😂😂

🍀🍀🍀🍀🍀

[3] ثالث حاجة هي "Lesen"، وخليك ماشي بالترتيب.

من اسمه (Lesen)  يعني قراءة 👌لا والله ؟😂 المهم يعني محتاج تقرا اقولك تقرا اي فاكر ف الاستماع (Hören)   فوق لم قولتك اسمع قصه 🤔 نسيت ؟ لحقت تنسي دا ذاكرة السمكة اقوي منك 😂طب ارجع بص عليها وتعالي😠 المهم القصه اللي هتسمعها فوق هتقفل الصوت وتقرا القصه عادي حسيت بكلمة مش عارفها شغل الصوت اسمعها كذا مرة اشطة ؟ اشطة جدا انت بتدرب عينك ع قراءة الكلمات بشكل اسرع من غير ما تقعد تجمعها حرف حرف بمجرد ما عينك تقع عليها بعد كده تقراها ع طول 👌برضو لو لقيت كلمة غريبة اكتبها 😁

محتاج تقرأ. تفتكر لما قلتلك تسمع قصة؟ هتسمعها وتقرأها، لو لقيت كلمة مش عارفها، شغل الصوت واستمع لها كذا مرة. ده هيدرب عينك على قراءة الكلمات بسرعة.

🌼🌼🌼🌼🌼

[4] آخر حاجة وأهمهم هي "Schreiben".

عشان الطلاب اللي ف الجامعه لان احنا بلد تعترف بالمكتوب 😁 لا المكتوب ف الورق مش المكتوب التاني 😂 المهم فاكر برضو ف ال listening لم قولتلك تقرا قصه ؟ فاكر اكيد فاكر دا انت قريتها 3 مرات معلش 😂😂 المهم هتيجي تلخصها بكلماتك انت كلمة كلمة هتدرب ايدك ع الكتابة ع قصه لسه قاريها وفاكر احداثها حلو ؟ حلو هتقولي معنديش vocabularies كويسة اقدر اكتب بيها هقولك فاكر برضو ف ال listening لم قولتلك هات نوت حلو واستنضف 😂 اهو بقي الكلمات اللي طلعتها م القصه هتستخدمها برضو ف القصه زيتنا ف دقيقنا ومروحناش بعيد 😂

هتكتب ملخص للقصة اللي قريتها بكلماتك. كده هتدرب يدك على الكتابة. لو مش عندك مفردات كفاية، استخدم الكلمات اللي طلعتها من القصة.

🌺🌺🌺🌺🌺

ركز على القصص لأنها مهمة جداً. هتساعدك في كل المهارات: Hören وLesen وSchreiben. حاول تسمع قصص كتير على حسب النوع اللي تحبه.

🦋🦋🦋🦋🦋

أخيراً، بالنسبة لـ "Grammatik"، نصيحة:

حاول ما تتعمقش أوي، لكن في نفس الوقت، ادرس الأساسيات اللي تخليك تكون جمل صحيحة. ذاكر الأمور البسيطة، لو حسيت إنك اتعلمت كويس، بعدين ابدأ في الأشياء الأكثر تعقيداً.